«FİFA rəhbərliyi AFFA-nın fəaliyyətindən razılığını bildirdi»

Xəbər verdiyimiz kimi, noyabrın 17-də İsveçrənin Sürix şəhərində, FİFA-nın mənzil-qərargahında FİFA-nın prezidenti Yozef Blatterlə AFFA-nın prezidenti Rövnəq Abdullayev arasında rəsmi görüş keçirilib. Bununla əlaqədar R.Abdullayev AFFA-nın saytına fikirlərini bildirib: «Bildiyiniz kimi, FİFA-nın prezidenti cənab Yozef Blatterlə ilk görüşümüz bu il yanvarın 17-də Rusiyanın paytaxtı Moskvada keçirilmişdi. O zaman da Azərbaycan futbolunun inkişafı ilə bağlı səmərəli müzakirələr aparmışdıq. Amma Sürixdə, FİFA-nın mənzil-qərargahında keçirilən budəfəki görüş rəsmi xarakter daşıyırdı. Çox qısa zaman ərzində bu görüşün keçirilməsi ilə bağlı razılıq əldə olundu. Azərbaycan futbolunun hazırkı vəziyyətini, inkişaf perspektivini müzakirə etdik. Futbolun daha da yüksək səviyyəyə çatdırılması ilə bağlı AFFA tərəfindən hazırlanan layihələr barədə FİFA-nın rəhbərliyinə məlumat verdik. Baş katib Elxan Məmmədov AFFA-nın hesabatını təqdim etdi. Sevindirici haldır ki, FİFA-nın rəhbərliyi və şəxsən Yozef Blatter AFFA-nın fəaliyyətindən razı qaldığını bildirdi, Azərbaycan futbolu ilə bağlı olan bütün məsələlərə xüsusi həssaslıqla yanaşdığını nümayiş etdirdi. Bu görüşlə bağlı çox xoş təəssüratlarımız var və inanıram ki, bu görüş FİFA ilə AFFA arasında mövcud olan əməkdaşlığın daha da güclənməsinə öz müsbət təsirini göstərəcək».

Xatırladaq ki, noyabrın 17-də FİFA və AFFA prezidentləri arasında keçirilən görüşdə FİFA-nın baş katibi Jerom Valk, FİFA-nın Milli Assosiasiyalar və İnkişaf Departamentinin rəisi Tyerri Reqenass və FİFA-nın Avropada futbolun inkişafı üzrə meneceri Yeva Paskue, Azərbaycan tərəfdən isə AFFA-nın vitse-prezidenti Elşad Nəsirov və baş katib Elxan Məmmədov iştirak ediblər.

Son xəbərlər :

08.09.2010 U-16 yoldaşlıq oyunu keçirəcək

08.09.2010 U-17 və U-19 üçün laktat testi

08.09.2010 Almaniya - Azərbaycan (fotoreportaj)

08.09.2010 «Müdafiəyə meyilli rəqibə qarşı oynadıq»

08.09.2010 «Səhvlərimizi təhlil edəcəyik»

08.09.2010 Belarus U-21 - Azərbaycan U-21 (fotoreportaj)

08.09.2010 «Qalibləri mühakimə etmirlər»

08.09.2010 «Rəqibmiz qələbəyə layiq idi»

08.09.2010 Millimiz Almaniya yığması ilə qarşılaşıb

07.09.2010 Almaniya - Azərbaycan: start heyətlər

07.09.2010 U-21 məğlub olub

07.09.2010 Belarus - Azərbaycan: start heyətlər

07.09.2010 Almaniya – Azərbaycan oyununu yayımlayacaq kanallar

07.09.2010 Uşaqlara Ramazan hədiyyəsi (fotoreportaj)

07.09.2010 Almaniya - Azərbaycan oyunu radioda

07.09.2010 U-21 bu gün belaruslu həmyaşıdları ilə qarşılaşacaq

07.09.2010 İntizam Komitəsinin qərarları

07.09.2010 Almaniya – Azərbaycan oyunu canlı yayımlanacaq

07.09.2010 Elit məşq layihəsi Mingəçevirdə (fotoreportaj)

07.09.2010 Millimiz bu gün ilk oyununu keçirəcək